Ay aqbayli

Taqṣiṭ-aggi d-aqeṣer, wisen ma teḍra naɣ ar teḍru ? kkul yiwen akken lay hedder, ɣef tmurt tugwi ar teḥlu, nettmenni nebɣa a neẓer, yibbwas lukkan ar tefru, aberanni ad i wexxer, tamurt yides ar a dd-nelhu, dɣa geranneɣ ar tekker, nukkwni s-leqbayel ntettu, alamma nesawel ad yeḥḍer, iwberanni ad aɣ yefru, kkul yiwen akken lay hedder, awal yuɣal d-asefru ... as mi gg ffeɣ uberanni, tamurt teggwradd s-arraw-is, yefreḥ mkkul d-aqbayli, yenwa ğğuğğ-gen-dd wusan-is, yekkfa lferḥ, dayenni, kkul wa yersedd ɣer laɛqel-is : "tura tamurt aggi, ilaq as i dd naf ixef-is !" tamurt teḥkkem s-lḥeq, tefkkadd yiwen d-mmi-t-nneɣ, fell-as akkw i nwufeq, ad yettsewiq fell-anneɣ, mkkul lɛerc yenṭeq, yenna-d : "winna mačči seg-nneɣ, fiḥel a ntezzi, ntenneḍ, kkestett a nɛiwdet wayeḍ !" laɛrac mwafaqen, sbeddendd arggaz am akka, yeẓwer, yefhem, yesen, am winna ur tettafem-ara, dɣa ait tuddar neṭqen, nnan : "ur tnesin-ara, fiḥel a ntezzi, ntenneḍ, kkestett a nɛiwdet wayeḍ !" tuddar nudant segg ul, ufant arggaz lkkayes, ɣer tidett i gg ttmuqul, di lḥeq mačči ad yesenɣes, tekkredd taddart, teggul : "arggaz-aggi ad yettwakkes, fiḥel a ntezzi, ntenneḍ, kkestett a nɛiwdet wayeḍ !" taddart teggul ar ttaf, alarmi tnuda tufa, win dd-sbedden yufaf, yezmer i mkkul tilufa, yekkerdd udrum s-zɛef, yennadd : "ur tnesin-ara, fiḥel a ntezzi, ntenneḍ, kkestett a nɛiwdet wayeḍ !" yekkerdd udrum yemjamal, yebda ameyez di lɣaci, yextar bab bb-uzal, ttqaddaren medden irkkweli, yekkerdd gma-s ɣer cwal : "amek tenwid tifed-iyi ? fiḥel a ntezzi, ntenneḍ, kkestett a nɛiwdet wayeḍ !" "tura ur dd-yeqim nefhem, teṣubb sangga ur dd-ttali, anwa igg laq ad yeḥkkem, m(a) ur di tqebblem nekkini?" "anwa igg laq ad yeḥkkem, m(a) ur kk-nqebbel keččini ? teẓram amek a nexdem : as nsiwel iwberanni !" aṭas bbwi ad as yinnin : �leflani aɣ yesefcel�, widak d wid ur nesin, amek i la teddunt temsal, qbel at zerɛeḍ timẓin, ẓer qebl amek igg g(r)a wakal, ayaqbayli, ayaqbayli, ayaqbayli, irefedn aberanni, ayaqbayli, ayaqbayli, ayaqbayli, i ttağğan gma-s yeɣli, yeğğayasdd baba-s ci, ur yeẓri d-acu yesɛa, dɣa ad yeḥekkem felli, ma d-as nqebl anecta ? awal-is ur yettɛeddi, nettruẓu, laɛmer nekna, ayaqbayli, ayaqbayli, ayaqbayli, irefedn aberanni, ayaqbayli, ayaqbayli, ayaqbayli, i ttağğan gma-s yeɣli, amek baba-s d-ameksa, asa d-neţţa ad i ḥekkmen ? mi gg kker zehr-is yeɣra, tura yerfed-dd s-wallen, dɣa awal-is ma yeɛedda, claɣem-aggi ar d-ttwakksen ! ayaqbayli, ayaqbayli, ayaqbayli, irefedn aberanni, ayaqbayli, ayaqbayli, ayaqbayli, i ttağğan gma-s yeɣli, si nig-nneɣ ḥedd ur yelli, ntettu i diri-yeɣ, igenni-nneɣ a dd-yefkk itri, at i dd-nerr d-aɛdaw fellaɣ, at neğğ kkan a dd-yeflali, a nekker yides a nennaɣ, ayaqbayli, ayaqbayli, ayaqbayli, irefedn aberanni, ayaqbayli, ayaqbayli, ayaqbayli, i ttağğan gma-s yeɣli…